പ്രവാസത്തിന്റ്റെ കാൽ നൂറ്റാണ്ട് .................ഭാഗം 1

മണലാരണ്ണ്യത്തിലൂടെ ................

എന്റ്റെ ജീവിതത്തിലെ അഞ്ചാമത്തെ രാജ്യമാണ് യുക്കെ...ഇവിടെയും സ്ഥിരമായി നില്ക്കുമെന്ന് യാതൊരു ഉറപ്പുമില്ല ....ദേശാന്തരങ്ങൾ താണ്ടി പ്രവാസ യാത്ര തുടരുകയാണ് .........ജീവിതത്തിന്റ്റെ മുക്കാൽ ഭാഗവും പ്രവാസിയായി ജീവിക്കപ്പെടാൻ വിധിക്കപെട്ട അനേകരിൽ ഒരുവൻ . ജീവിത യാത്ര അങ്ങനെ അനസ്യൂതം തുടരുകയാണ് ..എന്തായാലും ആ യാത്രയെ കുറിച്ച് ഒന്ന് എഴുതണമെന്നു തോന്നുന്നു. ഞാൻ എഴുതി തുടങ്ങുകയാണ് ...ഈ അണ്ടെർ വേൾഡ് എന്ന് പറഞ്ഞാൽ ഒരിക്കൽ ഇറങ്ങിയാൽ പിന്നെ തിരിച്ചു കയറുക ബുദ്ധി മുട്ടാണ് എന്ന് ഏതോ സിനിമയിൽ പറയുന്നത് പോലെയാണ് പ്രവാസികളുടെ കാര്യവും .പ്രവാസ ജീവിതവും അങ്ങനെ തന്നെ എന്ന് തോന്നുന്നു . ..ഒരിക്കൽ ഇറങ്ങി തിരിച്ചാൽ പിന്നെ തിരിച്ചു കയറുക ബുദ്ധിമുട്ട് ആണ് അല്ലെ നമ്മൾ പ്രവാസികൾക്ക് ?എന്റ്റെ ജീവിതം വെച്ച് നോക്കിയാൽ അതിൽ സത്യമുണ്ട് താനും .അതവിടെ നില്ക്കട്ടെ യാത്ര തുടങ്ങാം .അങ്ങനെ 18 -മത്തെ വയസ്സിൽ ഞാൻ ആദ്യമായി ഒരു വിമാനത്തിൽ കയറി ഗൾഫിലേക്ക് യാത്ര തിരിച്ചു ...പിന്നെ എനിക്ക് ഇതുവരെ സ്വന്തം മണ്ണിൽ ചുവടുറപ്പിച്ചു ജീവിക്കാൻ കഴിഞ്ഞിട്ടില്ല !നീണ്ട 25 വർഷങ്ങൾ കടന്നു പോയി.ഓരോ തവണയും ഇനി തിരിച്ചു പോകുന്നില്ല നാട്ടിൽ ജീവിക്കാൻ ഉറച്ചു എന്ന് തീരുമാനിച്ഛപ്പോഴൊക്കെ തടസ്സമായി ഓരോ വിഷയങ്ങൾ കടന്നു വന്നു ."ഏണീം പാമ്പും" കളി പോലെയാണ് ഗൽഫുകാരന്റ്റെ ജീവിതം .സ്വോരൂപിച്ചു കൂട്ടി ഓരോ കോണിയും പ്രതീക്ഷയോടെ കയറി ഏറ്റവും മുകളിൽ എത്തുമ്പോൾ നാട്ടിൽ നിന്നും ഒരു വിളി വരും .കഴിഞ്ഞു ! നേരെ പാംബിന്റ്റെ വായിൽ.ജീവിതമാകുന്ന ഏണീം പാമ്പും ബോർഡിൽ ഏറ്റവും അടിയിൽ ഒറ്റ നിമിഷം കൊണ്ടെത്തും ! 25 വർഷങ്ങൾ കടന്നു പോയിരിക്കുന്നു . ഏണീം പാമ്പും കളി ഇപ്പോഴും തുടരുന്നു ....ഒരു പ്രവാസിയായി ജീവിക്കാൻ തുടങ്ങിയതിന്റ്റെ 25 ആം വാർഷികം എന്നൊക്കെ വേണമെങ്കിൽ പറയാം !ആഘോഷിക്കാൻ എല്ലാവര്ക്കും എന്തെങ്കിലുമൊക്കെ കാരണം വേണ്ടേ ?
1990 -ൾ ആണ് ഞാൻ ആദ്യമായി ഗൾഫിലേക്ക് പോകുന്നത് ..18 ആം വയസ്സിൽ ചൂടോടെ കിട്ടിയ ഒരു പാസ്പ്പോര്ട്ടും നെഞ്ചോട്‌ ചേര്ത്തു പിടിച്ചു നീണ്ടു മെലിഞ്ഞ ശരീരവും,കയില്ൽ ഒരു ബാഗും ,പ്ലെയിനിൽ കയറുമ്പോൾ പേടിക്കാതിരിക്കാൻ കഴുത്തിൽ അമ്മാമ്മ [അപ്പന്റ്റെ അമ്മ ] ഇട്ടു തന്ന ഒരു കറുത്ത ബെന്ധീഞ്ഞയുമായി ഞാൻ ചെന്നിറങ്ങിയതു ,പിന്നീട് എന്നെ ഞാനാക്കിയ ആ കൊച്ചു രാജ്യത്തിലേക്ക്. ബഹറിൻ!!! നാല് വശവും കടലിനാൽ ചുറ്റ പെട്ടു കിടക്കുന്ന സുന്ദരിയായ ഒരു കൊച്ചു രാജ്യം !
ആ രാജ്യത്തേക്ക് കാലെടുത്തു വച്ചപ്പോൾ ഞാൻ ശ്വോസിച വായുവിനു ഒരു പ്രത്യേക ഗന്ധം അനുഭവ പെട്ടിരുന്നു .എല്ലാ ഗൾഫു നാടിനും ഉണ്ടെന്നു തോന്നുന്നു അത്തരമൊരു ഗന്ധം .ഒരു പക്ഷെ മണ ലാരന്ന്യത്തിന്റ്റെ മണമായിരിക്കാം .ഓരോ തവണയും ലീവിന് നാട്ടിൽ പോയി തിരിച്ചു ഗൾഫിലേക്ക് മടങ്ങി വരുമ്പോഴും എയർ പോർട്ടിൽ വെച്ചേ ആ ഗന്ധം ഞാൻ അനുഭവിച്ചിരുന്നു ഇപ്പോൾ അതെ ഗന്ധം എന്നിലേക്ക്‌ ഒഴുകി വരുന്നുണ്ട് .......

-തുടരും -